نثريات قلم للشاعرة شيرين قزامل .الإعجاب بالصفحةحبيبي عيونك بتقول ايه ؟؟؟
رد عليا بحنية
وبهمس صوته قال ليا
كنت بقول وحشاني كتير
ودي شوية
انا طول عمري بقول من قلبي
كل اللي بتحكيه عينيا
بتقول ايه !!!!!!
كنت بقول وحشاني وراحت من بالي
كل اسية فاتت من عمري
وأصبحت ذكرى منسية
بتقول ايه !!!!!!
كنت بقول وحشاني وخايف من بكره
ييجي على سهوة
يرمي شباك الهجر والجفوة
بتقول ايه !!!!!
كنت بقول وحشاني وليه راح اخبي
هي حقيقة ودايره بتلف معايا في عمري
بتقول ايه !!!!!
كنت بقول وحشاني يا دنية أحلامي
صبح الحلم حقيقة تمر على بابي
بتقول ايه !!!!!
كنت بقول وحشاني وخليها على الله
وهب لقلوبنا المحبه
ومين غيره بيوهبها
بتقول ايه !!!!!
كنت بقول وحشاني وايه راح يجري في بكره
حبيبي يا ضحكة أيامي
يا لحن جميل من الحاني
سيب بكره لبكره يا نور عيني
انا جانبك دايما تلاقيني
وفي قلبك اسمي وصورتي وعنواني
يا هبة قلبي من الرحمن
سمعني وقولها كمان وكمان
ده بحبك يا روحي انا بستقوى
على سنين العمر والأيام
ارسمني وردة في كراسك
اكتبني سطر بين اشعارك
وخد من قلبي نبضاتك
وتري موصول بشريانك
بقلم
شيرين قزامل (( مصر ))
2016/11/29
