مع السلامه ياحبيبي 
*****************
مع السلامه ياحبيبي 
مع السلامه ياأحلي حلم عيشته في حياتي 
مع السلامه يادنيتي ياأجمل ذكرياتي 
مع السلامه ياحبيبي
دا كل حلم حلمته بيك وليك .. 
وكل أملي كنت حصرته فيك 
مع السلامه ياللي كنت 
أحس معاه إنه كاإني 
ومين غيرك في الدنيا دي 
هاأقدر أشكيله همي 
كنت ليا أجمل هديه 
من ربي رحمه بِال بيا
عُمرك ما اتأخرت عني 
ولا قولت لي الصبر ياحبيبتي 
الصبر فيه التأني 
معاك !!!!!
كان اليوم بيعدي كأنه ثانيه
كنا عارفين إننا في لدنيا فانيه 
وإتمنينا نعيش سوي 
عمر تاني في دنيا تانيه
ياحبيبي أناعمري كله 
ليك لوحدك عيشتهولك 
وقلبي عاهدت ربي ووهبتهولك
دا الحزن جنبك كان سراب 
وماكان لي في الدنيا غيرك أحباب
لكن القدر فرق مابينا 
واللقا ماعاد نصيبنا 
كل دا كان غصب عنا
كل دا ماكان باإيدنا
مع السلامه ياحبيبي
مع السلامه مُش هاعاتبك
ومُش هالومك أو أحاسبك
مادام في البعد سعدك .
مع السلامه ياكل إللي حيلتي 
يانور في قلبي كان بينور بصيرتي 
مع السلامه ياأجمل مافيا 
ياكل إللي ليا 
مع السلامه 
مع السلامه والقلب داعيلك 
تسعد يانبضي إنتً ونصيبك 
مع السلامه
وكل حاجه حلوه راحت معاك 
مع السلامه 
ومُش هاقولك ع إللي بيا 
ياللي حبك كان مكتوب عليا 
مُش هاقولك ع البعاد 
وناره إزاي بتحرق 
وهالزم السكات 
وأحصر العمر إللي باقي 
كله في لحظات 
كنت معايا وعيشتها وياك 
وهاأحيي كل 
إللي كان بينا من ذكريات 
وأطوي صفحة المستقبل 
علي نفسي وأقفل حياتي 
لأجل ماأعيش معاك لوحدي 
ويا أجمل ذكرياتي 
مع السلامه ياحبيبي 
مع السلامه ياحياتي

صفاء عبد ربه