قصيدة بالعامية 
عنوانها 
أدم ... و حوا

هي ... و هو 
أدم .. و حوا 
ف رواية .... 
ف قصة ... 
مين البطل .. ؟ 
مين الأهم .. ؟ 
حوار عقيم 
و ألف سؤال 
.... حيرة 
.... صراع 
عالم عجيب 
و مين يعرف 
و عندوو الجواب .. ؟

هي ... و هو 
أدم .. و حوا 
قصيدة جميلة 
بدأت بآدم 
لما أتخلق 
هو .. وحيد 
ملهوش ونيس 
و هي .. لسه 
كانت عدم 
فصور ربي 
أجمل فتاة 
حوا لآدم 
منه و ليه 
ونيسة 
شريكة 
زوجة 
و أم 
بتصنع معاه 
و بيه الحياة

هي ... و هو 
أدم .. و حوا 
في لوحة جميلة 
بيزينوها .. 
و يجملوها 
بقصة كفاح 
هو القوة .. 
وهي الجمال 
هي بتعرف 
مين هو أدم 
هو أخوها .. 
هو أبوها .. 
وزوجها .. 
و ليها كل الحياة

هي ... و هو 
أدم .. و حوا
هو لوحدووووو 
فرد 
وحيد 
وهي ضعيفة 
ناقصها الأمان 
هي معاه 
بتبقى أميرة 
وهو معاها 
فارسها الشجاع 
أدي الحكاية 
بكل بساطة 
ليه الزعل .. 
كفاية العناد

بقلم محمدعدلي محمد