الخميس : 13/8/2015 
الساعه : 8،50 مساءا 
$ سعيد عبد القادر السيد $
* عاميه *
# من بين كل البشر #

من بين كل البشر 
يا دنيا وخدانى 
تلاعبى بيا العمر
و تملى زلانى 
معيشانى ف كدر 
بالمر سقيانى 
من بين كل البشر 
يا دنيا وخدانى 
عمري ضاع ف السفر 
و الغربه اه يانى 
القلب منى انفطر 
من كتر أحزانى 
من بين كل البشر 
يا دنيا وخداني 
من بين كل البشر 
نازله فيا جراح 
ضيعتى منى العمر 
سرقتى الأفراح 
هرب منى الصبر 
و القلب مابيرتاح 
من بين كل البشر 
يا دنيا وخدانى

$$$ شعر 
سعيد عبد القادر السيد 
شاعر ال ش و ال ش 
الشرابيه و الشرقيه 
القاهره / أبو حماد