فى وسط التوهه والزحمة
انا شايفك بشاير فجر
بيتهادى على شطوطى
و يتنهد بصوت مسموع
انا راجع.....................
و انا رافع رايات النصر
فى دروبك.
لا عمرى يآست من الغربة
و لا دقيت بيبان غيرك
حافظت عليك جوايا
وتهت معاك فى حروفك
وانا عارف رجوعك وعد
وفجرك عهد ....للصابر
وانا نادر ....
اوانك حان.
سطوعك بان.
وانا عهدك ومحرابك
صلاتك جوه سردابك
طوفانك وقت هيجانك
هدوءك وقت توهانك
وحلمك وقت لمعانك
انا وانت ميعاد مكتوب
ولوح مسطور....
صحايف ربنا خاطتتها
قبل الكون والوانه
فرقنا .....و لقانا
وعد........
وانا صابر لحد الوعد
ما يوافى.
ويجى اليوم.....
و تعودى.
فى وسط التوهه والزحمة
بشاير............فجر
شعر:هانى رخا
أعجبني
