((( بحبك يا بلدي )))
بقلم الشاعرة شيرين قزامل
....................................................

غالية ودمي من نيلك
عاشقة لليلك ومواويلك
ولا نسيت اني من صلبك
عايشة في ضلك على أرضك
راضية برزقي المتقدر
وعمري في يوم ماهاتبتر

انا جذر أصيل من أرضك
مين ده اللي ياخدني من حضنك
ده لا عاش ولا كان من عدمة
يا ويله ويا كثرة ساعات ندمه
ان فكر يدوس على عرضك

يحميكي ربي ويصونك
ويكشف ستر اللي يخونك
ده ربي حماكي من بدري
وفي القرآن اداكي عهده

يا بلدي بحبك والهوى صابني
بسهم النخوة في عروقي
لا القوة تمنعني اصون شرفك
ولا اقدر في يوم اني اخونك

زرعك وخيرك في ترابك
للي يحافظ على جاهك
واللي يفكر في عنادك
تاكله رمالك وجبالك

مع كل آذان والله اكبر
بدعيلك يحفظ أولادك
وتكوني كايدة لاعداءك
وتمدي طريق كله محبة
لبلاد الوحدة العربية

وامام العالم تكوني رائدة
بعزيمة وقوة ووطنية
بحبك يا بلدي
بحبك يا بلدي
بحبك يا بلدي

بقلم
شيرين قزامل (( مصر ))