قلة أدب
للشاعر محمد ضباشه
مادام معانا هو كده
وبكده طب نعمل أيه
لما العفن بير ما أتردم
طار الأدب وما حن ليه
احنا لسانا صام وصلي
ولسانه هو لهلاك راميه
يعني كده وعلشان كده
سكوتنا دايما صعبان عليه
ومهما قولنا عيب كده
بيزيد قباحة ولا حتي فيه
ذرة أدب ولسان عفيف
شوفناهم ماسكين يديه
يعلموه معني الأدب
بدل السواد اللي ماليه
ونرجعه لأم العجول
اللي دايما بتخاف عليه
تقص لسانه الزفر
اللي كفر ايمانا بيه
وتلبسه توب الرجولة
اللي بجهله دايما ناسيه
