نبح الكلاب
الشاعر عاطف عمر

لا تنسو......... اننا احياء...
أنتو بتتلونو فى الشكل زى الحرباء.
حتى وعودكم بتروح هباء.
مهما تصومو وتصلو كله ...رياء.
احنا بنتعب علشان غيرنا يعيش فى رخاء .

مش محتاجه .
مش محتاجه ، نعيد القاره ، أكتر من مره ،
ما انت أكيد عارف اللى هيجري .
عيش اليوم واصبر على بكره .
يمكن تيجى معاه الفكره .
ويبان الواضح من النكره .

عايشين على مبدأ متخلف .
أنا واخويا على ابن عمي ، وانا وابن عمي على الغريب .
والدنيا دى مثل الحليب.
تتعكر...من حبة شوائب ....حبة عيوب .
خد لك من الدنيا حبيب.
خليك وديع......متكونش ديب .
جرب فى يوم تبات مغلوب ، ولا تساعدشي على الحروب.
انت حبيبي أيام ما كنت صديق جروب.

خليك من ربك......قريب .
عن الفضائل .....الكل غاب .
جرينا ورا حبة سراب ، وعشنا ايام فى العذاب .
من غير ما نفهم ......يا شباب .
عملنا من الحبة....قبه....وبنجرى دايما على الخراب .
متخفش من نبح الكلاب . دا كل شئ طيب ثواب .
ركز على فعل الثواب...

الشاعر عاطف عمر

التعليقات