بقلم / مصطفى المحمدى
حبتها:
ممكن اكون فعلا حبتها
ممكن بتمنى امسك ايدها
ممكن اكون سارح فعنيها
فجأه الاقينى بشوق بحكيلها
ممكن مره وغصب عنى
أرفع ايدى لفوق وندلها
بس انا عايز فكره ظريفه
اعرف منها ازاى اقابلها
بص يا واد
قرب منها بذوق ولطافه
هتشوف نظره شوق بعناد
بسمه جميله تشوفها فى وشك
فجأه عنيها تشوفها بعاد
تستنى بأحساسها كلامك
وانت تفوت متاخدش معاد
ويكون فى وراها واحد صاحبك
فتقابله وتنزل سلامات
روح تانى فى نفس التوقيت
بس يا ريت تعدى يوم
روح انسان انيق وشيك
روح لابس انضف هدوم
تلاقيها فى نفس المكان
هتشوفك/قرب/فتقوم
روح عليها بدون كسوف
وارسم بسمه ياريت تدوم
ويكون صاحبك برضه وراها
تقابله بضحكه يقول يدوم
روح وانسا تلات تيام
وهى تموت مش عارفه تنام
مره بتحكى لواحده عليك
ومره بغيظها تفكر فيك
مره تقولك اه لو شفتك
اكيد هديك بوكسين فى عنيك
لكن لما النوم يغلبها
اكيد هتنام وهتحلم بيك
روح لها بعد تلات تيام
هتشوف واحده عايزه تنام
اول ما تشوفك تلاقيها
مشدوده وعينها لقدام
قرب منها وأرمى سلام
مش هترد عليك وأوام
تعمل نفسها مش سمعاك
فهتفضل بصه لقدام
ويكون واحده قاعده وراها
وتقوم وتقابلك بسلام
فجأه حبيبتك يغمى عليها
فهتجرى وبأيدك شلها
فى ثوانى هيجى الدكتور
يقول ماتت محتاجه ندعلها
