طريق طويل
طريق طويل مشيته يا دنيا ملوش نهايه
ما دوقتش فيكي يوم هنا ودوقت مر شقايه
بتظلميني ليه كده وايه حكايتك معايه
وكل طريق بمشيه بتكتبي نهايته قبل البدايه
ده من كتر ظلمك كل أحلامي ماتت جوايه
ليه مستكتره عليه يوم أفرح فيه بأشواقي وهوايه
أنا بقيت بخاف من الفرحه لحسن تتقلب بدمعه جارحه
تكوي الخدود وتنسيني طعم الفرحه
وبقيت بخاف ألتفت أو أبص يوم في مرايه
لحسن أشوف دمعتي اللي معششه هنا ويايه
ليه كل ما بمشي بطريق ألاقي ظلمك ماشي ورايه
ما ترحميني بقي نفسي أفرح مره واحده قبل النهايه
أغنيه جديده بقلمي
الشاعر سعيدالروبي ابوحبيبه 29/9/2016
حقوق النشر محفوظه الاغنيه مسجله
