في وسط الضيقه والخنقه
وصراخ الحيطان
والا كمان المباني
اللي كساها هموم الزمن
والغالي اللي بعناه بارخص تمن
شايف لسه عندك أمل
وضحكتك تجمل الحزن اللي في الجُمل
القلب من الايام ياما وكتير احتمل
بس لما بلاقي ضحكتك وسط الضيق
بيهون عليا كل حاجه حتى الشوك في الطريق
والا البساطه اللي بعيشها في عينيكي
يادنيتي من واحنا لسه عيال
ياضفايرك اللي فيهم طوق النجاه
غريق انا في بحر الحياه
عشقت فيكي الآه اللي من غير صوت
والحنين اللي اتكتب في عنيكي بسكوت
وان غيبتي عني في دُنية الغربه
ضحكتي تموووووت
تموووووت
يا آحلى مافي الضيق والسكووووت
يا أملي في بكرى وحلمي اللي جاي
جرح اللي عدى وأنين الناي
بستنى في عينك فرحي ينور سماي
واشتاقلك ياروحي يابلسم جروحي
واجري اجيلك أهرب من وسع الحيااااااااه