ليه يا عرب ما تحموني .
في ايد بشار ليه سبتوني .
انا الطفل اللي مات م البرد
علي حدودكم .
وانا الطفل اللي قلت مساعده
خذلتوني .
وانا الطفل اللي غرقان دمه
في كفوفكم
ف وقت الحاجه ليكم
ما سندتوني
انا الشاب اللي سايل دمّه
في بحوركم..
اوعاكو مرة تقولوا
نسيتوني.
انا الهارب من القتل،
لقيت القتل ف بلادكم
علي حدودكم وشواطئكم
وبرصاصكم اذيتوني،
انا السوري اللي شاف الذل
في بلادكم،
وقلت الآه بصوت عالي
وما نصفتوني
انا الدمعه اللي سالت قهر
ف وقت الهدم والردم
تركتوني،
انا اللاجيء وحيد الدمع
في بلادكم،
وفي سجونكم
حبستوني،
انا حلب اللي شافت ياما
قهر وظلم ، قتل وجُرم
وياما ناديت وقلت اغاثة
حطيتوا اديكو ف ودانكم
وما سمعتوني.
انا الميت ف عز شبابي
برصاصكم،
عشان رافض تذلوني،
انا سوريا ،....
انا سوريا ف قلب النار
بناديكم تنقذوا حياتي
لقيتكم للنار بترموني
#أنا_سوريا
#عبدالله_الأمير
