القصيدة الاولى
"حبيبة العمر"
للشاعر نبيل محروس
حبيبة العمر ومراتى
واجمل قصة فى حياتى
دى قصة حب وردية
وقصة شوق وحنية
على مر السنين عاشت
عشان الحب ملاغية
دى قصة حب بنهاية سعيد ة جواز
عريس وعروسة فى الكوشة جمال ولذاذ
وفرحة جمعت القلبين فى بلورة جميلة ازاز
يا محلى الصورة للعروسين كمان الحب كان برواز
وبالاخلاص كدا عاشوا كما العصافير
تزقزق له تغنى له ومن حواليها هو يطير
ويوم ورا يوم تخلف له بنين وبنات
ويوم ورا يوم يزيد الحب يبقى كبير
وقف فى طريقنا هم كبير لكن الحب كان أكبر
ولو حسادنا كانوا كتير مشاعر الحب كات اكتر
مشاكل الدنيا واجهتنا لكن الحب ما تأثر
بصدق الحب والنية
هتبقى سيرة شعبية
واكون انا فيها ياسين
وتبقى انت يا روحى بهية
دى قصة حب للتاريخ
واهل الارض والمريخ
تقول الحب اقوى كتير
من الدبابة والصواريخ
