إبه رجعك تاني
****************
إيه رجعك تاني
صحيت الحلم فيا
وجددت الأماني
كنت بحاول أنسي
وكل يوم ألقاني لسه
من جرحك بعاني
أقول يانفس إهدي
وللجروح ماتعدي
بكره راح تنسي
مع الأيام والليالي
ليه رجعت تاني
ما كفايه منك ياغالي
كفايه قسوه وعذاب
وتحلف إننا أحباب
أتاريك أكبر كداب
كفايه مواويل وأغاني
لحد امتي هافضل أعاني
كل بوم ألم وأنين
لما تاه بينا الحنين
وهربت منا السنين
إيه رجعك تاني
إمتي حسيت بيا
ولا هيا بس ملاغيه
وعمال تلعب بيا
ماكفايه ظلم الدنيا ليا
ليه إنت والأيام عليا
ليه كتر الأسيه
إيه رجعك ناني
تقلب في الذكريات
معايا تاخد وتدي
وتزيد كم الآهات
مش إنت إللي بعدت عني
لو غلط كنت قولي
حاسبني . عاتبني
ولا غاوي بس تعاندني
قولي إيه اخرتها معاك
أرجعلك ولا أبعد وإنساك
ولا أجدد عهد الهوي وياك
حيرتني وشغلت بالي
إيه رجعك تاني
صفاء عبد ربه
