شئ غريب حايشنى
مش قادر أقول واحشنى
ولا عارف ايه حصل لى
شايف صورته تمللى
عايش قلقان عليه
عامل نفسي ناسيه
ما هو ناسي وعوده ليا
وسايبنى أعيش وحيد
وعايزنى أشوفه صدفة
أو أهنيه كل عيد
وسنينى بقت خريف
علشان قلبه العنيد
قافل أبوابه عنى
أتارينى طلعت ضيف
مع إنى باحبه جدا
وإتعلق قلبي بيه
أنا نفسي بجد أشوفه
بس أنا عارف ظروفه
وكفاية لمحت طيفه
لما زاد شوقي ليه
حست بشوقي روحه
بعتت لى سلام عنيه
أنا شوفت ملاك وطاير
علطول فكرنى بيه
أتاريه قلقان وحاير
من كتر شوقي ليه
روحه لمست جروحى
طابت علطول جروحى
وردت ليا روحى
ما هو أصل أنا روحى فيه
وبعتله السلام
روحه سمعت كلام
بيعبر عن حياتى
واللى باشوفه يوماتى
آلام وراها آلام
برتاح بس أما أشوفه
ويجيلي ف الأحلام
#أحمدعزت