......... نونه .........
بعتلك يانونه مع طيفك
تلت جوابات
جواب اشرح حنين قلبى
وشكوي م البعاد
بالذات
وتاني جواب كتبتوا
من وري قلبي
مليته
شجن وعتاب
وتالتهم شرحت الشوق
سالت دموع العين
عل الخدود
تنساب
وكل ده يانونه لازمله
حساب
كنت بعدي علي
بابك
وعامل حجتي مشوار
واشوفك وانت
تبتسمي
وتداري خلف باب
الدار
واقف محتار
وأسأل نفسي ب استمرار
طب إمته يجيني
رد
وعدت من قصادي
نسيت الحساب
والعد
وجت خطاويها ناحيتي
بالقصد
ومدت ايديها بتسلم
ومن امته السلام
بالإيد
وانا بالحضن مشتاقلك
يانونه
زي ليلة عيد
وسابت بين ايديه
جواب
مكتوب عليه الرد
ياحبيبي
مابين الاحباب
مفيش عتاب
ولا رد
‏.....................
على أحمد عبد الجليل