جرب مره .....
@@@@@@@
جرب مره تحس بغيرك
لف ودوّر ع الغلبان
ليه تستني الطفل يجيلك
رُحله ببدله أو فستان
خليه يعرف إنك فكره
وإن الدنيا بخير وأمان
وإنك عايش كل مشاكله
جرب مره تكون إنسان
جرب تمسح دمعه حزينه
تطفي النار لو كت بركان
جرب تاخد إيد مسكين
عايز ياكل من دكان
بس مفيش ف الجيب مليم
يقدر يشتري حتي لبان
فين تحسبهم ساده وهم
عاشوا الفقرمع الحرمان
جرب مره تبص لجارك
يمكن غايب أو عيان
لما تزوره وتسأل عنه
تلقي النورعلي وجه يبان
تلقي الناس بترحب بيك
تفرح لما تلاقي حنان
جرب تسعد كل حبايبك
قلبك يعمر بالإيمان
تلقي موده وخير وسعاده
تلقي كرامه من الرحمن
@@@@@@@
بقلمي // طه إبراهيم
