قصة طفل مكافح الأيام صنعت منه معلم شاطر في مهنته رغم اني ضد شغل الأطفال ولكن بسبب ظروفه الأسرية اشتغل ودي قصته
الحناوى
لو فى يوم جيت قرية أويش الحجر مركز المنصوره بمحافظة الدقهليه ولاقدر الله كوتش عربيتك اتخرم متزعلش ومتقلقش اسأل بس على الحناوى هيجيلك طفل 14سنه هيفك العجله وفى ربع ساعه يكون مصلح المشكله ومركبهالك كمان ع فكره دا مش صبى ولاشغال مع حد دا معلم وعنده ورشته الخاصه ممكن تعدى عليه تلاقيه بيلعب كوره مع العيال قدام ورشته بس لمايجيله شغل هيقوم بيه أحسن من أكبر ميكانيكى
هو أصغر اخواته للأسف متعلمش ولقى والده مريض وأمه ست بيت ومعندوش حل غير انه يشتغل اتمرمط كتير واشتغل صبى عند أكتر من ورشه لكن لما بقى عنده 14سنه كان اتعلم كتير وبقى نفسه هو المعلم وفتح شغله الخاص والدته جبتله الكمبوسار وهو كان عليه باقى العده
الخلاصه احمد ربنا على النعمه اللى انت فيها ومش حاسس بيها زى لو عندك اب بيصرف عليك ومسبتش التعليم عشان تشتغل وتلاقى تاكل
,ومحدش يقول انا مش لاقى شغل او مستنى اشتغل بشهادتى لانك هتقعد مستنى كتير ....
واكيد محدش يقول انا صغير ع الشغل او لسه بدرى ان يبقى ليا شغلى الخاص والناس مش هتثق فيا لانى صغير... النجاح ملوش سن والناس بتروح للحناوي وبتسيب معلمين كبار شغلك ومجهودك هو اللى هيفرق مع الناس مش سنك صدقنى
الحناوي مثال بمجهوده اصبح ناجح 🙂 في زي الحناوي كتير الأيام صنعت منهم رجال لو عندك قصة او حكاية صورها وابعتلي محتاجين الأمل
ربنا يرحمك يارب
توفى اثر حادث
