علمونا
*****
علمونا فى المدارس
وسط الميدان تبقى فارس
وعنيك على طول سهرانه
ولوطنك وترابه تبقى حارس
********
بس نسيوا يعلمونا
الوساطه والمحسوبيه
ومهما تعدى السنين
نفس الوشوش هيه هيه
واحلام ووعود
تحت التراب مخفيه
حتى القوانين كتبوها
تبقى لغيرى مش ليه
وعاوزنى اعيش فرحان
طرق الفرح منسيه
واوعاك تقول الاه
ولو قلتها مين حاسس بيه
يا حاطط مناهج التدريس بلاش
تضحك على نفسك وعليه
وبلاش تطلب منى حنانى
وهى بتزيد عليه الاسيه
وبلاش حكم ومواعظ
قولها لغيرى مش ليه
اد ما انت بتحبها
انا بحبها وزياده كمان شويه
بس هىه على غيرى حنينه
وعندى خلاص شطبت حنيه
وانا عليها هنت
وعمرها ابدا ما تهون عليه
وعمرما يوم اكون لها بايع
حتى لو كانت بيعانى هيه
لانها ساكنه بقلبى
والمصيبه هى دى القضيه
*******
على حافظ

أعجبني

تعليق

  • Currently 0/5 Stars.
  • 1 2 3 4 5
0 تصويتات / 12 مشاهدة
نشرت فى 22 أغسطس 2016 بواسطة azzah1234

عدد زيارات الموقع

77,090