أنا متأسف
ليكم جداًكل السادة المستمعون
مش زعلان ولا راح أبكى
ولا أنا فاقد عقلى وتايه ولا مجنون
اللى بيزعل بيكون من ناس فاهمين
لكن إنتوا يا للروعة وقت الشدة منسحبون
اتفرقتوا وسيبتوا الحق فى إيدين غيره
يقتل ينهب ياكل خيره شيطان ملعون
سيبتونى أتعرى وأتهان ولا شىء فارق
بس الفارق عاوزنى صورة فى براويزكم
تفضلوا تبكوا عليها وتحكوا,,,, لاتبكون
أنا متأسف من كونى واحد فى وطنكم
معدود محسوب من سكانكم تفضلو ا
تشحتوا باسمه وصورته والآخر
ماتت ضمايركم
ونسيتوا إنى أنا انسان عايش بينكم
ومُت بإيدكم
أنا متأسف تحت نيرانكم كنت بحس
ببرد وتلج لا نيران هزتني ولا صوت ضرب
واما ترابكم أخدنى فى حضنوا طبطب
على أحزانى بجد مالهوش ذنب
كان أحن علىَّ منكم يتمتونى أم وأب
دلوقتى بتغنوا تنوحوا قدام الشرق والغرب
وبتتفاخروا يا للخزى احنا العرب !!
طب شكرا ,,,,,ياعرب الفتنة والتلفاز
قنواتكم دايما مفتوحة للألعاب والألغاز
وإنتوا أكبر لغزلعقلى أكبرمن براميل الغاز
اتصورتوا جانبى !!؟
عجبتكوالصورة وعينى المكسورة ؟!
وراسى محطوطة فى الأرض ومهزوم
فى عز طفولتى من أجل سكوتكوا
اغتصبوا الأرض,,,,, والعرض
بتحنُّوا دايما لسيادكم واللى متهنى
براس مالكم واللى بيجمَّع من خيركم
بترولكم غازكم كرامتكم طب ايه
فاضل ماهو تفكيركم جابنا الأرض
أنا متأسف انى أنا أصلا اتكلمت ماهو
لا كلام عاد نافع فيكم ولاسنة ودعوة أوفرض
يا أهل الغرب انا طفل وبكل إرادتى بمسح
جنسيتى بأستيكة هصبح ابن البولوتيكا
أو حتى لحتة سيراميكا وتحسسنى إنى
أنا انسان وكرامتى ماراحتش الأرض إنى أنا فرد
قصيدة( أنا متأسف)
20/8/2016
�#�الشاعرة_رضاعبدالوهاب�