حنين مدفون

وليه بتصحِّي جوايا
حنين مدفون
بهمسة لنبض دنيايا
يعود الكون
وتتلامس حنايا القلب
ويا الشوق
وتدفن اي عصرة نوح
وليها يهون
ماكنت نسيت ندا العصافير
ولا باسمع للحن الطير
ولو يهمس لاحساسي
ياخدني لفوق و احس و اغير
ماكنت خلاص قفلت عليه
وعودته يعيش لياليه
ليه جاي تقول له همسايه
تذوب تلج كان حواليه
عاوزني تاني اتعذب
وادور والف في رحاية
باقولك ايه.. لا اتهذب
بلاش تلضم في دنيايا
وسيبني أكمل الرحلة
واحط لاخرتي نهاية

‫#‏مرفت_حموده‬

  • Currently 0/5 Stars.
  • 1 2 3 4 5
0 تصويتات / 23 مشاهدة
نشرت فى 20 أغسطس 2016 بواسطة azzah1234

عدد زيارات الموقع

77,608