"احلمىِ "
بقلم : رانيا جودة

ماتبطليش يوم تحلمى..
وإن صادفك فى حلمك ناس تهده؛
اوعى تصحى..
نامى تانى وكملى، اوعى تيجى يوم عليكى،
عافرى قاومى عَليِ فيكى،
حاسبى حد يشوف دموعك، يستضعفك !..
أو يبان فى ايديكى رعشة .. يجى حد ياخد اديكى
تقومى تصحى؛
لما هو يوقعك..
انتى تقعى؟
مستحيل بشهادة الزمان
وبالدليل ..
ان شافوكى هما واقعة .. انتى شايفه نفسك واقع .
حققى حلمك من غير قيود "ته مربوطة"
ومستحيل ..
وان قالولك ده محال .. باصرارك هيبقى واقع مش خيال
أنتى حلمتى فيه كتير.. يعنى اللى باقى عليه ..قليل
قولى جاى يوم وهحققه ..
"انى اكمل".. هو حلمى ..مش هبطل احلمه... "إحلمىِ"

  • Currently 0/5 Stars.
  • 1 2 3 4 5
0 تصويتات / 137 مشاهدة
نشرت فى 20 أغسطس 2016 بواسطة azzah1234

عدد زيارات الموقع

139,709