عــــــود
======
كان هنا لنا وجود
لما كان الزمان يجود
لكن من بعد الفراق
لسة بلقانى بعود
تحت ظل شجرة عالية
كان الهمس بينا غرام
نسمة حلوة علينا مايلة
والقمر كان بدر تمام
راح فين زمن المودة
انا لسة عايش على الحنين
اسرح بذكرة وروحى شاردة
ودمعى مندى يروى الانين
ولا حاسس بعدك بالوجود
وفى البراح اندة تعود
عبر الريح سارى صوتى
سكن الهوى صابة الجمود
ازى قدرت على البعد عنى
يالى انا منك وانت منى
لو هقضى العمر تمنى
او احزان تسكن تسود
جاوب رجاء قلبى العليل
عاشق هواك وويلة ويل
روانى عشقك سلسبيل
متقيدكش ياعمرى قيود
تاة كل فرح عنى
لكن للذكرى بغنى
صحيح نغمى الحزين المنى
ولسة شادد للحن عود
لكن انا لسة بعود
ارجع تانى نفس المكان
وسط حالة من الجمود
وقف هنا بى الزمان
بقلم / حاتم صلاح انور
