بتحلى الساعات وانا وياك
وتمرر لو مكونشى معاك
وافرح لما تكون جنبى
وانام وارتاح على جنبى
شيئ لما اشوفك بيحصلى
كأن الحياه بتوصلى
وكل حاجه ساعتها تهون
مدام ويايه صدر حنون
ولما يوم تغيب عنى
دمعى يسيل غصبعنى
كأنى تايه وماشى فسوق
وشيئ منى ضايع مسروق
معرفش انا مين ورايح فين
وناس حواليه كتير شايفين
وبيحكوا عنى لبعضيهم
ودموع باينه فى عنيهم
يقولوا ماله ياعينى عليه
الدنيا داقت من حواليه
يظهر حبيبه مشى وناسى
وسابه للوحده بيقاسى
واقول ذنبى إن انا بهواك
وهقضى العمر أستناك
منير خاطر
.................................... . . . . . . . . . .
لو يسأل عليه الفرح
إدولوا عنوانى
قولولوا بيداوى جرح
وراجع هنا تانى
وامسكوا فيه ميمشيش
من غيره مقدرش اعيش
قولولوا سنين مستنيه
وحاطت أملى كلو فيه
متخلوهوش يمشى ويسيبنى
ما عاد فيه شيئ يناسبنى
لو مش فاكرنى أو ناسى
يسأل عنى اهلى وناسى
قولولوا الزمن غدر بيه
ورمى الهموم كلها عليه
وخدنى من فوق فى العالى
نزلنى لتحت طوالى
خلانى ليلاتى ابات سهران
صحابى الوحده والحرمان
وبستناه فى يوم يزورنى
يشوف حالى ويعزرنى
يقوللى ارتاح بقى ونام
أخدت كفايتك من الآلام
آن الأوان خلاص تفرح
ولا تفكر ولا تسرح
قوم يله ورينا ضحكتك
ربك استجاب لدعوتك
منير خاطر
