مش صوتى
=======
هاقولك اية دة مش صوتى
دة صوت القلب بيناشد
لسة عايش غرام حبك
لسة الشوق هنا حاشد
هذيان يكون فى غية
يعود بالعشق لية راشد
هاقولك اية دة مش صوتى
دة قلب زى طير مدبوح
لسة غارق فى هيامك
بينادى حتى بصوب مبحوح
صال وجال لكن عشقك
ساكن وتارك اثارة جروح
واية تانى ولسة انتى معندانى
ولسة مشاعرى اليك وخدانى
واحساس ما يبرح لثوانى
انا فاكر رغم ان قلبك نسانى
هاقولك اية دة مش صوتى
البعد دة قرار موتى
ربيعى تاركة تفوتى
ما ترددى اى نعوتى
مش كنتى بالحب موعدانى
حتى ملكتى روحى وجدانى
ولسة عاملة ما سمعانى
وتضيع احلى معانى
دة صوت القلب مش صوتى
مصاحبة رنين صدى صوتى
بقلم الشاعر / حاتم صلاح انور

  • Currently 0/5 Stars.
  • 1 2 3 4 5
0 تصويتات / 69 مشاهدة
نشرت فى 28 يوليو 2016 بواسطة azzah1234

عدد زيارات الموقع

140,164