انا مصرى
******
انا مصرى ويا مصر انا بيكى
افتخر واتعايق واتباهى
وادعى رب العباد يحميكى
وما يجى يوم تضيعى فى متاهه
وكل اليلاد بيغنوا ليكى
ماانتى الشمعه اللى منوراها
ومين غيرك على مر العصور
را عيها يا غاليه وحامى حماها
من عهد مينا وقطز
وصلاح الدين
اسالو التتار والصليبين
وتلاته وسبعين
يامهد الحضاره
واهراماتك اماره
والازهر مناره
لكل العصور
وجيشك غيور
وقت الشده
يغضب يثور
طول عمرك ابيه
فى الشده عافيه
سماكى صفا
وليلك دفا
حضنك حنان
وبرك امان
حبيبتى يا مصر
يا ورده وفُله
بعبيرك طله
لكل الاحبه
تروى عطشهم
حبه حبه
اسمك فى نبضى
عايش جوايه
مانتى ليه
سعدى وهنايه
نفسى الدنيا
تفرع معايه
ويبعد عنك
كل خاين
وف قلبه سواد
وادعيلك يحميكى
رب العباد
بحبك يا مصر
اسمك شايله على
صدر ولادى
واحن واجيلك
مهما طال بعادى
ومهما تقسى
هايفضل ودادى
ليكى فى قلبى
دايما يزيد
بحبك يا مصر
ومهما اتكاترو
عليكى الديابه
عمرك ابدا
ما تبقى غابه
غيامه وتعدى
ومهما تهدى
لازم تفوت
بحبك يا مصر
****** على حافظ

 

  • Currently 0/5 Stars.
  • 1 2 3 4 5
0 تصويتات / 24 مشاهدة
نشرت فى 28 يوليو 2016 بواسطة azzah1234

عدد زيارات الموقع

85,628