بتمنى اشوفه واسلم عليه
وقوله مشيت فجأه ليه
دحنا كنا يدوب بنسلم
والقعده هتطول بقى ونتكلم
كنا ساعتها لسه بنحضر
وبنزرع الأرض ونخضر
ومكملناش باقى الحكايه
أجمل فصولها والنهايه
والدنيا يدوب هتصاحبنا
ونجنى زرع فيه تعبنا
من يوم غيابه والقمر غاب
والناس ماعادوا يدقوا الباب
قوله انى لسه بكلمو عادى
ومكانه بحسه دافى وفاضى
محدش أبدا عارف يملاه
والضحكه كمان مشت وياه
ورايح عليه أنا وللا جاى
أسألو اعملك معايه الشاى؟
واسمعه وهوه بيقول ماشى
والبسمه سدقنى منسيتهاشى
لو كان استنى حبه كمان
مكانشى اتغير عليه الزمان
وشفت اللى شفتو انا لوحدى
أيام بحايلها وما بتعدى
دلوقتى بس سدقت كلامه
إنى معرفش اعيش من غيره
وعرفت انى كنت لكن بيه
ومن غيره صفر بيدور عليه
منير خاطر

  • Currently 0/5 Stars.
  • 1 2 3 4 5
0 تصويتات / 36 مشاهدة
نشرت فى 28 يوليو 2016 بواسطة azzah1234

عدد زيارات الموقع

77,026