بتقولى
********
انا بهواك وعاشقه ترابك
ومش قادره فى يوم انساك
اعيش ازاى بدون ما أهواك؟
وانت القيصروالفارس اللى بتمناك
وتدعيلى شويه ان ربك
يرضى عنك ويرعاك
وتقبلنى حبيبه واعيش فى هواك
وعايزانى
اشاركها فى جنونها واحلامها
ولو لحظه بس افرحها واسعدها
====و====
وبعديها بدقيقه
واحده تتحول
مجنونه وغجريه
بشعرها المنكوش
و تدعى عليا من
تانى بصوت مبحوح
لو ما وافقت
أكون ظلها الدافى
وحضنها الوافى
بكل حب وحنيه
ولازم اطاوعها
واما تغضب وتثور
من تانى عليا
وتهددنى تحرمنى
من تركة حبها ليا
وهيا تقول الورث
ايه غيرفدان من الحنيه
والمحصول هزار
وضحك وملاغيه
وقولنا ايه فى الخلوه
وقالولنا ايه عن العشاق
وسهر الليل يدوبنا
ولو مرديتش اقبلها
+++++++++
يارب اموت بسكته قلبيه
ولا اعرف احب
حد غيرها فى الدنيا
وترجع تتمسح زى
القطه فى صاحبتها
وتتالم وتتوجع وتدمع
بعيون عصفوره مسكينه
وتتنهد بتنهيده جايباها
من اخر السماوات
وتنزل بيها على ارضى
وتحلف لى انى انا
اللى بتحلم بيه من
بدرى قبل ما تشوفنى
==========
وهيا بس على
فكره لحد دلوقتى
ما شافتنى ولا تعرفنى
انما بس مجنونه بكلماتى
وعامله حنونه ومجروحه
واسيره ومدبوحه
وبتامرنى امر و بالعافيه
وتتحايل بصبر ومكر
اكون طبيبها وجراحها
وادوى لها اوجاعها
وقلبها الصافى
و امسح لها دموعها
و جراحها الغايره
بكل كلامى عن الحب
وكانى عايش معاها سنين
وكل كلامها وحكايتها
خدت فى الشات
يدوب دقايق وساعتين
===========
بقلم ///محمد العليمى///