أردوغانشي
أردوغان
ما أردوغانشي
بان في الصورة
أو مابانشي
نفسه إني
أموت ماعيشي
كارهني ليه
ياأردوغانشي
فاكر نفسك
ليه دافنشي
ليه بترسم
ليه علينا
وانت آخرك
كيس كرانشي
منفوخ وفاضي
وعامل قاضي
ليه بتحكم
فى إللي مالكشي

ياأردوغان
يابغبغان
بغبغ براحتك
مالنا ودان
بغبغان مبغبغانشي
صان لسانه أو ماصانشي
مابتفرقش معايا خالص
إن يزيف أو يوالس
أو يبرطم فى المجالس
برضو يفضل أردوغانشي
كان مأردغ أو ماكنشي
آن آوانه أو ماآنشي
شعبه قالها بكل عزة
ياأردوغانا يلا إمشي
بقلم طارق السيد