#‏دوام_الحال‬

إضعف حنين الأزمة لدموعك
وإكسر جحود الآهه والتنهيد
دوام الحال ده موجوحك
دوام الحال ده فرض بعيد
في ثانيه الدنيا تتبدل وتتحول لعكس عكاس
قلوب الناس بتتغير
وده الغالب في طبع الناس
فمن لامك في أحلامك
وكان قاسي وداس ياما
في لحظة يبقى ادامك
قصير القامة وعلامة
بإنك فز أو فلته

و أُولى الدرجة مش تالته
وفوق الفوق على شلتةوتحتك ألف دوامة

دوام الحال
بشكل مجاز كمان منكر
لا كان منطق في يوم إن كان ولا ابكر

دوام الحال
مادمش لغيرنا و إن غيرنا
بيقى محال على اصغرنا و كبيرنا

دوام الحال ولا الترحال
في اي أوان
فخد بالك ماتستسلمش للاحزان
ما تتسلسلش في نفورك واحباطك
خروج الشمس من باطك
بيدي جرأة للألوان

دوام الحال بجد محال
عشان الدنيا دوارة
بتاخد منا وبتدي
وطبع النفس أمارة
تملي بالمزيد تطمع
وتفضل تعلى وبتطلع
فلو حلمك حزين اصلع
اشوف لك حلم بسجارة

#دوام_الحال
‫#‏عادل_عوف‬