السبت : 18/6/2016
الساعه : 7،54 صباحآ
$ سعيد عبد القادر السيد $
* عاميه *
♥ يا دمعه ♥

يا دمعه كفايه سيبيني
مسيره يوم هيجيني
اشوفه تقر به عيني
و الفرحه تاني تيجيني
يا دمعه كفايه سيبيني
حبيبي و حته من جوه
قلبي دايب فيه هو
ما عدش فيا ميروه
لبعده وآله على عيني
يا دمعه كفايه سيبيني
واحشني الغالي يا خواتي
سلبني روحي و حياتي
يوماتي أبكي و ليلاتي
لبعده اللي بيكويني
يا دمعه كفايه سيبيني
يا دمعه كفايه قلبي ف نار
الشوق قاتلني و الأفكار
يوماتي قلبي آه ينهار
أعد ليالي و سنيني
يا دمعه كفايه سيبيني
مشتاق له أخده في حضني
بعده يا ناس م موتني
هو أبن آه بنتي
أعز الولد يا عيني
يا دمعه كفايه سيبيني
رحت بنفسي المطار
ودعته وقلبي آه بينهار
وصيت عليه الطيار
بسلامه يوصله الديار
يوديه لأبوه حبيبي
يا دمعه كفايه سيبيني
كل ما شوف أنا صورته
قلبي يتقطع على بعده
هو و خاله و مامته
و أبوه كمان ده حبيبي
يا دمعه كفايه سيبيني

♥♡♥ بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد

تعليق