سواح في البلاد
سواح وداير في البلاد
ألف وأنصح في العباد
والعباد ياحسرة غافلة
عن أهوال يوم الميعاد
الدنيا ساد فيها السواد
ما عاد خلاص إلا الميعاد
والجحيم والع موهوج
للي عن طريقه حاد
يالعباد شوفولكو حل
دا إنتوا خلتوها خل
ف يوم بخمسين ألف عام
يوم مافوهش أي ظل
إلا من أظله ربي
تلقوا بان المستخبي
والشهود شاهدين عليكو
لما يإذن ليها ربي
تنطق بإللي كان وكان
بالزمان وبالمكان
توبو يلا ياخلق هو
قبل مايفوت الآوان
صدقوني هى فرصة
تموتوا فجأة تبقى كارثة
تغرقوا ف بحر السواد
ماتلقوا يومها أي مرسى
لا إله إلا هو
ياخلق هو إستغفروه
مالينا غيره رب واحد
ليل نهار تسبحوه
يالعباد آخر الكلام
وقبل ماأرميلكم سلام
كلمة واحدة هقولها وأمشي
الجنة بس للكرام
بقلم طارق السيد