قصيدة ( أخو البنات )
للشاعر / عاطف عمر
جيت على خمس بنات.
قبل ما يشتد عودى ولدى مات.
اتحملت المسئوليه كده من سكات.
لأنى بالفعل ...جيت على خمس بنات.
اشتغلت حاجات كتير مبحبهاش.
اشتغلت وكمان سفرت لحد عمري ما راح بلاش.
اتمنيت ساعتها إكون حاجه لسه مشفتهاش.
اتمنيت اكون طبيب...او باشمهندس...او عضو مجلس...واعمل يافته من قماش.
اتمنيت حاجات كتير ...بس العمر راح مجاش.
لما دخلت اعمل جراحة ..كنت اريد لأمي تعيش.
كنت بموت وأكدب عليها واقولها بنام على انعمها ريش.
واتكتبلي عمر تاني بعد ما فقدت انى اعيش.
صدقونى الموت كان اهون ..بس اهلي مينسونيش.
الفلوس...
عملت ايه ليه الفلوس.
غيرت كل النفوس.
اصبح الكل يدوس ..لما خلصت الفلوس.
خلت الدنيا تبوس...اصبحت اكبر كبوس
الفلوس...
قالو دى عايزه جهاز...قالو دا عايز عروس.
قالو دى فى العلم ماشي ويلزمه حتة قاموس.
قالو ده فلاح نشيط...ويلزمه عجل جاموس.
وما خلصت الفلوس.ملقيتش حد يكون جاليس.ولا ونيس..غير وحدتي واليأس كان ليه جاسوس.
تاني هتقولي الفلوس.
الفلوس مع التيوس وانا كنت اكبرها تيس.
لما تخليت عن شبابي..لما راح وجهي البشوش.
تانى هتقولى الفلوس.
لما خلصت الفلوس الكل راح.
كل واحد ظهرت حقيقته في الصباح.
كله بيقول يلا نفسي..كل شئ اصبح مباح.
ظلم ايه...طب ما احنا دايما مظلومين.
انت ايه..انت كنت في الشمال جبناك يمين.
روح بئا احنا مبنحبش ما بينا زعلنين.
احنا أخدنا فلوسك..وصحتك...وبئينا فعلا مبسوطين.
ايه يعني فرد يتعب...او يمرض...او يموت...ونكون احنا مرتاحين.
انت عشت الدلع ايام مع ابوك ايام زمان.
واحنا كنا صغيرين.
انت اخدت بدل الفلوس رحمه وحنان .
واحنا منعرفش احنا مين.
انت خلاص راحت عليك..اتركنا بدام طمعين.
انت ايه..يا سيدي افهم...يلا غور.
نوعدك من اليوم لا هنسلم عليك ..ولا نغير.
بس اكيد لما تموت...هنحط على قبرك زهور.
واكيد هنفرح..ونعملك الذكرى بعيدان البخور.
يا سيدى حس و افهم ..احنا معندناش ليك ذرة قبول.
ارحل بئا..قبل ما نحجر عليك ...والناس فى سيرتنا تقول.
انت كنت لينا وسيله...او كمان شيال هموم.
انت لا تجينا ولا نجيلك فى عيد..
احنا هنبدأ من غيرك انت.....عام جديد ...وكمان سعيد.
أعجبني
