مسكت القلم اكتب //بس اكتب انا أيه
لاعاد شئ يتكتب // ولا عاد كلام أحكيه
كل ال هكتبه اتكتب // والكتب ملانه بيه
هكتب عن الوجع //شئ طبيعى أ عيده ليه
اكتب عن الغرام // ما عاد قلوب تحويه
القلوب حواها الطمع //والمال بينبض فيه
اكتب عن الدين //الكل شيخ وكل شئ يفتيه
اكتب عن الموت //ندفن الميت ونذم فيه
اكتب عن الوطن //كرهنا من الكذب عليه
قصفت سن القلم //ورجعت تانى أبريه
قلت أكتب عن الأمل //ولازم بأيدى أحيه
قلت أكتب يا قلم أمل //ضحك وقال على أيه
قلت على النور جاى بكره //قال دليلك أيه
على هدم الوطن //ولا جنين مات قبل الميلاد بيومين
ولا دين واتهجر // وصلاتنا فى المواخير
ولا على علم اندثر//وجاهلنا هو أمير
ولا على أخلاق واتمحت //وكبيرنا قالو صغير
ومن غيظى كسرت القلم //نزلت حروف حوليه
جمعتها طلعت وصيه //شايلها القلم فيه
بيقول أوعى المظلمه //أو يتيم تأذيه
خلى الوصال مرحمه //دالحر أكله بكد أيديه
الحر يعيش بمكرمه //يايموت والتراب يواريه
جمّعت كسّر القلم //وفضلت ابكى عليه
------------------------------------عرابى