عشق العيون
فى ليلة من ألف ليلة
على شط عيون كحيله
يفيض الدمع ويخونك
ماس يلالي فى عيونك
يلمس خدودك
تفتح ورودك
يرتد طرفك
يشتد عودك
يصب دمعك
فى كاس هوايا
أعيش فى حلمى
وابلغ منايا
يانجمة عالية
فوق العلالى
وضى نورها
فى الدنيا مالي
طمعان فى نظرة
تكون لى شمس
أو كلمة واحدة
إنشالله همس
يابدر ياللي
قربت منها
ورسمت صورتك
فى نن عينها
غيرت منك
رديت لإنك
عشقت نورها
غصب عنك
صعبان عليا
ياعينى حالي
شغلي بالي
وباله خالي
بقلم طارق السيد