وحياة أغلى حاجة عندك

ماتقسى عليا قلبك
ويوم فرحك ما حد يبلغنى بيه
اذاى اشوف حد تانى جنب قلبك
ودا حلمى اللى حلمت بيه
كتير حلمت بالفرحة 
ورسمت اية حيحصل فيها
يوم ما هتشيل الطرحة
وقعدت احسب لياليها
هانت عليك دنيتى تسيبها وتمحيها
وواحدة تانيه غيرى تشيلها وتلف بيها
خلى بالك لو قصدت تقولى 
انا مش هعديها
انا هخلص من حياتى 
وممكن اروح فيها
ساعتها احس بروحى بحرق
مخنوقة ومشنوقة وقلبى مش عارف يدق
حاسة فصدرى برعد وبرق
وبتمنى قلبك ليا يرق
بهرب من الصحاب ليبلغونى
وافتعل الاسباب عشان يسيبونى
واتمنى اهرب فى اى شق
اروح فين وعالنت اخبارك 
وانا من شوقى بشوف اخبارك
خايفة افتح مرة الاقى الناس بتبارك
ساعتها هحس فروحى بحرق
ساعتها قلبى هينسى يدق

    ஜ ۩۞۩ஜبقلم ஜ۩۞۩ஜ
ஐ◄███▓▒ مرفت موافى░▒▓███►ஐ