مجلس عبيط تايه يا ولاد الحلال

بقلم

أسماء الد سوقى

نزلت امبارح عشان أروح المكلمان لأنى نايبة فيه وأنا ماشية قابلت واحدة ست كبيرة بتعيط وتقول مجلس عبيط تايه يا ولاد الحلال قولتلها يا حاجة ده ابنك زميلى فى المكلمان زمانه جاى متخافيش قالتلى يا بنتى بنادى عليه من بدرى قولتلها ماهو بيبقى عامل ودن من طين والتانية بيسمع بيها أخبار فلسطين يعنى لا هيسمعك ولا يسمع غيرك قالتلى وباقى النوايب كده قولتلها لأ كل مجموعة شغالة بنظام يعنى فى جزء عبط واستهبال وجزء استهبال فقط وجزء شغال بنظام البيزنس وجزء خارج نطاق الخدمة وجزء حافظ مش فاهم ومجموعة شغالة بنظام الشراكة مع ناس من خارج المكلمان بس دول المحترفين جزء بيلعب عسكر واخوانجية وجزء بيلعب طراطير ....... لسة وجزء بيلعب استغماية والباقى بيشجع اللعبة الحلوة والاحتياطى منتظرين ضربات الجزاء , قالتلى طب وانتى والأخوات دوركم ايه قولتلها لأ يا حاجة احنا متخلفين عنهم معمولين سايلانت وكلنا سايبين الناس ترن قالتلى ده النظام القديم كان أحسن ده أيام مخفية الاسم كانت الأخوات واخدة حقها بزيادة دول كانوا خاربينها صح قولتها آه القدام خربوها والجداد قعدوا على تلها , قالتلى والنبى يا بنتى أنا خايفة عليهم أحسن يقعوا قولتلها قولى ان شاء الله يا حاجة . شوية وجه الأخ مجلس يتلكأ ويمشى الهوينى قولتله قاتلك الله يا أخى ( ماهو مبيسمعش ) كنت فين وسايب الدنيا خربانة قالى أعرفك بالحاجة دولت قولتله أهلا هى دى بقى دولت أمك قالى نعم قولتله عرفاها مش دى بتيجى فى القضايا الصعبة وتتناقشوا مع بعض وتقولوا الحكم بعد أم دولت وتهربوها من الباب الخلفى وتطيروا المتهمين قالى لا يا أختى أنا لا أحب المزاح البارد قولتله يعنى بتسمع يا ترى شلت الطين ولا اتخليت عن فلسطين عشان ترد ؟ وبعدين مفيش أنابيب عشان كده المزاح بارد فجأة سكت واحنا واقفين فى الشارع حوالى سنة وقالى على فكرة يا أختى أنا والنوايب فى أوقات فراغنا ضمايرنا بتأرنبنا على حاجات كتير قولتله تقصد بتحسوا انكم زى الأرانب قالى آى نعم نعم , طبعا الست الوالدة حبت تهدى الموقف بينا قالتلى والله يا بنتى ابنى مجلس ده اسم الله عليه شاطر هو ونوايبه ساعة موضوع الكورة كانوا هما والناس عمالين يرموا على بعض التهم ولا الحزب الفقرى بتاع زمان قولتلها فعلا أنا شوفت الحلقة دى فيديو وبالأمارة فى آخر الحلقة كتبوا النوايب والمعلم فرماوى ايد واحدة قالتلى مين ده قولتلها يا بنت الايه يا شقية عفريتة زى ابنك تبقى عارفة كل حاجة وتستعبطى وتقولى اصل مفيش مستندات تثبت , يا ستى المعلم فرماوى ده ماسك قرارات الفرم بكل الوسائل , وبعدين الأخ مجلس مشى قالتلى شوفى والنبى مشى وأنا موصياه يجبلى طرحة قولتلها يا حاجة اصبرى وانتى هتحضرى تلبيس الطرح والعمم للشعب كله بس فى شهر يونيو وبعدين يا حاجة بأمانة انتى كتيرة الكلام وقليلة الفعل زى ابنك هو وولاد الذين أجرموا لما سيبوا ولادهم علينا من غير ما يقولولهم اتقوا الله فى ولاد الناس وانصرفى بقى .