من لفلسطين

حمل الجبال علي الفلسطـيني اتشال
والظلم عليه طغي وطــال
ولا حد بيخفف نزيف جراحـــه
ولا عـاد شايف للظـلم زوال
كل يوم بيمــــوت آلاف منــهم
ويومهم ماشى على ده الحال
أصلي الضمير مات جــوه قلــوبنا
واستسلمنا خـلاص للاحتلال
اليهودي سياسته الفتنة والغدر في دمه
وإللي إحنا فيه دلوقتى أقل مثال
دا إجـرام في حقنا وإحنا شايفـين
تفككنا والكـرامة مننا بتـتشال
مش قادرين نوحد ولـو يوم كلمـتنا
أصل القضية ما بقتش ع البال
حرام عليكم ياعرب دول جزء مننا
ولا العروبة بقت بس كلمة بتتقال