مشاعر فقير

لان جنابنا بيخدم جنابكم
وتبقي الامنا مراهم وجعكم
فقولنا ببساطه خضوعا وطاعه
ننزل علمنا ونرفع علمكم
تقولوا ونسمع بحب لكلامكم
نردد ونهتف ونحمي شعاركم
ونغضب ونرفض وتنزل دموعنا
ويبقي طريقنا يمينا شمالكم
يقولوا علينا بنحقد عليكم
نقدم رقابنا هديه ف ايديكم
ونشحت رغيفنا ويمرض فقيرنا
وتبقي المناصب مجامله ف ايديكم
شعاركم فلوسك تعيشها ف امان
تقول المكارم يقولك زمان
تطبل تعدي تقول الصراحه
يقولك وقاحه وناقصك علام
بقلم
خالدالكردي