مر الكلام
..................
مر الكلام شكوتك
لخلق مش سمعاك
ويقولو ليه تشتكى
والدنيا مش عجباك
واكل وشارب ومكسى
أما صحيح طماع
عامل شبيه القطط
بتنكر الأحسان
وعمرك ما يوم تشكر
ولا تدعى للى أداك
,,,,,,,,,,,,,,,,,,,,
يا خلق أبسط حقوقى
القمه والهدمه
طيب وليه المعيره
مش ذادى من عرقى
وهدمتى الدايبه
أحسان ومش حقى
وهما كام ملطوش
مرتبى وأجرى
وألف بيهم شريد
لو تعب ابنى
حتى الدوا مش لاقيه
وتقولو ليه بشكى
والله بدعى لربى
ف الفجر ياخدنى
,,,,,,,,,,,,,,,,,,,,,
مسكين فقير معدوم
رمين عليه الوم
داير فى ساقيه الحياه
بيلف شبه الطور
لا ليله بات فرحان
ولا يوم اتاه النوم
ولا ليله بات شبعان
الا ليلاتى محروم
فطار وغداه وعشاه
يوماتى طبق الفول
ويسألوه أمنياتك
فرخه وألم الدور
وجنبها بصلتين
ونرضى بالمقسوم
مسكين وكل مناه
يرجع زمان النور
يرجع زمان التقى
ولا يبقى فيه محروم
,,,,,,,,,,,,,,,,,,,,,,,,
كلمات عبده الفاجومى
عبدالواحد محمد
