كل سنة وانتم طيبين 
النهاردة وبمناسبة شم النسيم جبت لكم طريقة عمل شجرة البيض الملون 
والعمل ده مش هنستخدم فيه البيض بس لما يخلص فى الاخر هيطلع شبه البيض

غصن يابس (متوفر في كل مكان)

خيوط صوفيه مختلفة الالوان (الافضل الخيط الصوفي المتعدد الالوان "المونس ")

ممكن استبدال الخيوط الصوفيه باسلاك النحاس الرقيقة عشان تكون اسهل وبعدها رشي الاسلاك بالذهبي او اي لون تحبية عشان تحصلى على نتيجة جميلة

بالونات صغيرة الحجم 

اصيص زرع قديم (متوسط الحجم)

ورق هدايا اي لون 

2 اسفنجة حجم كبير

القليل من التراب او الرمل

حطى الاسفنجتين فوق بعض داخل الاصيص 
اغرزي الغصن الجاف داخل الاسفنج لغاية لما يصل لقاع الاصيص وبعدين اضيفي التراب واملئي بيه الاصيص لغاية لما يغطى كل الاسفنج
انفخي عدة بالونات وهيكون حجمها ضعف حجم البيضة 
وبعد كده ابدأى بلف الخيوط الصوفيه حول البالونات بشكل مرتب ولازم تتأكدي انك بتلفي الخيط بالطول والعرض وتدخليه من بين الخيوط عشان يبقى متين
وبعد ماتخلصى اللف قومي بتفريغ الهواء من البالون باستخدام دبوس وبعدها خرجى البالون من الداخل بهدوء شديد
وكررى العملية دى فى كل البالونات اللى عندك وبعدين نثبت البالونات بخيط في الغصن
وفى النهاية زينى الاصيص بورق الهدايا على حسب رغبتك
ودى هتبقى النتيجة النهائية

شجرة بيض رااائعة من ادوات قديمة بالية
اتمنى الفكرة تعجبكوا ،،،
وكل سنة وانتم طيبين