عجبتكوا مش كده بس محدش يشتهيها لانها مش للاكل لانها بكل بساطة مش حقيقية

 ودى الفكرة اللى جبتهالكوا النهاردة طريقة تنفيذ زينة مميزه لمطبخ او لمائدة الطعام أوحتى لركن الحلويات في البوفيهات

كرة من الفلين او اي مادة آخرى وبالحجم اللى تحبية

رقاقات الثلج الاصطناعي ( متوافر بالمكتبات الكبرى أو بمحلات ادوات الاشغال اليدوية ) او ترتر او اي مادة بلاستيكية شبة مطحونة

قوالب الكب كيك بالحجم اللى تحبية

 كرات حمرا صغيره او حبات من اللولى قطرها1سم

 خيوط عريضة ملونه وممكن نستخدم الصوف

مسدس شمع 

غراء

أعواد خشبية

  دخلى الكرة بعود شواء وغطيها كلها بالغراء كامله وقلبيها في الثلج

واتركيها تجف وفى الوقت اللى بتجف فيه ضعى الشمع فى القوالب وثبتى عليها الكرة باتقان

وبعد كده ضعى الخيط عشان تعلقيها منه وثبتى حبة الكريز

وده هيبقى شكلها النهائى

ويارب الفكرة تعجبكوا ،،،