النهاردة جبت لكم فكرة عجبتنى جدا ومن خامة كلنا استخدمناها وبنستخدمها واكيد هنستخدمها الخامة دى هى علبة الكانز سواء كانت لمياة غازية او معلبات ... وهنحول الكانز دى لبراية للاقلام .

تعالوا نشوف ازاى

الحاجات اللى هنستخدمها

علب المعلبات

براية اقلام

كاتر أو مقص

قطعة كرتون

ورق جرائد أو مجلات أو مناديل ورقية

غراء وفرشاة

ودى الطريقة

هتفتحى علبة الكانز من الناحيتين

وتقصى 4قطع كرتون وتلصقى كل اتنين فوق بعض عشان تبقى قوية وهتقى فى الكرتونة مكان على مقاس البراية وتلصقيها فيه

 

بعد كده ضيفى الغراء وغطى الكرتون بأى ورق ملون تحبية

وبعد كده بالغراء هتلصقى ورق المجلات على الكرتونة

وهتشكلى كورتين من ورق المجلات على شكل عيون وتلصقيهم بالغراء على الجهة التانية

وهتغطى علبة الكانز والغطاء بورق الجرائد والمجلات

وهتلصقى الغطا على العلبة من جهة واحدة

وهتلونيها باللون اللى تحبية وده هيبقى شكلها النهائى

واتمنى أن الفكرة تعجبكوا ،،،

 

المصدر: الصور من art attack
asalet-sinaa

شرفتم موقعى انا هبه على من شمال سيناء - العريش عمرى 24 سنة بكالوريوس علوم بيئية و زراعية جامعة قناة السويس بعشق الاشغال اليدوية وأشغال الأبرة .

ساحة النقاش

heba ali

asalet-sinaa
هوايتى اشغال الابرة والتطريز والاشغال اليدوية »

ابحث

تسجيل الدخول

عدد زيارات الموقع

1,725,882