وجيتْ يا حِلوَهْ...
زي زولاً قَضَى الأيام
بُكا ومنفَى...
وجيتِك من بلاد باتت...
عـلى نار زيفهْا تِتْدَفا...
أنا المسجون زمن يا حلوَهْ...
فيها مداين الكُلْفَهْ...

ولا قيتِك...
سلام عينيك...
رماني على سلام وصفَا...
أماناً فيكي فتَّح ليْ...
على مرسى النجوم شُرفَه...
ْ___
ولاقيتِك....
هموك من هموم الغير...
وفي حال البلد والريف...
وفي النايمين على الأحزان...
وفي الصاحين...
مآسي وخوف...
___

في التاهين معا لأشواق...
متين تنْزَاح سموم الصيف...
ولاقيتِك...

غصناً مال على الأمواج...
وهفْهَف فوق خُضُرْة القيف...
أحبِّك بى مشاعرجيل...
رفَع للشمس رايَهْ وسيف...
وثبّت في الأرِض أقداموا...
في أعماق تُراب الريف...!!

ﻣﻌﻘﻮﻟﺔ ﺑﺲ؟؟؟
ﺩﺍﻳﺮﻳﻦ ﺍﻳﺠﺎﺭ؟؟؟
ﻫﻮ ﺍﻟﺮﻳﺪ ﻣﺘﻴﻦ ﺑﻘﻰ ﺑﺎﻟﺪﻓﻊ
ﺍﻧﺎ ﺻﺎﺡ ﻗﻌﺪﺗﺎ ﺟﻮﺍﻙ ﺯﻣﻦ
ﻭﺍﻧﺎ ﺑﺎﻟﻄﻠﻮﻉ ﻣﺎﺑﻘﺘﻨﻊ
ﻭﺍﺑﻴﺖ ﻋﺪﻳﻞ ...ﺑﺤﺘﻞ ﺟﻮﺍﻙ
ﺑﻐﺮﺱ ﻫﻮﺍﻱ ﺍﻧﺎ ﻓﻲ ﺩﻣﺎﻙ
ﻓﻲ ﺟﻮﺓ ﻗﻠﺒﻚ ﺑﻨﺰﺭﻉ
ﻭﺑﻤﺪﻭ ﺷﻮﻕ ﺍﻟﺸﻮﻕ ﺑﺤﺮ
ﺷﻼﻟﻮ ﺑﺒﺪﺃ ﺟﻮﺍﻱ ﺍﻧﺎ
ﻭﺟﻮﺍﻙ ﺑﺪﻓﻖ ﻭﻣﻨﺪﻓﻊ
ﻭﺑﻀﻮﻱ ﻓﻲ ﺟﻮﺍﻙ ﺷﻤﻮﻉ
ﻭﺑﺮﻳﻘﺎ ﻓﻲ ﻋﻴﻨﻴﻚ ﻳﺸﻊ
ﻭﺑﻌﻠﻲ ﺻﻮﺕ ﺣﺴﻚ ﺟﻮﺍﻱ
ﺷﺎﻥ ﻟﻠﺤﻮﺍﻟﻴﻚ ﻳﻨﺴﻤﻊ
ﻭﺍﻧﺎ ﺑﺈﺧﺘﺼﺎﺭ
ﺑﻘﻌﺪ ﻭﻣﺎﺑﺪﻓﻊ ﺍﻳﺠﺎﺭ
ﺑﻘﻌﺪ ﺟﻮﺍﻙ ﺯﻱ ﺍﻟﻀﻔﺮ
ﻣﻦ ﺍﻟﻠﺤﻢ ﻣﺎﺑﻨﻘﻠﻊ