كتبت: سمر سالم

الصورة الأولى للأميرة ديانا ووراها الأمير تشارلز جوزها .. والصورة التانية للأنجلينا جولى وبراد بيت جوزها برضو .. الفرق بين ضحكة أنجلينا وديانا هى قصة حياه كل واحدة فيهم .. واللى ميعرفش أحب أقولة نبذة عن قصة حياه كل واحدة : - #الأميرة_ديانا أتجوزت من الأمير تشارلز اللى خانها اول ما أتجوزوا وبدأ العالم يعرفها بالرغم من أنها جميلة جداً وكان الشعب البريطانى كلة بيحبها وكل الشعوب الاخرى لأعمالها الخيريه وكمان لجمالها اللى كان له سحر على الشعوب وعالجت الكثير من حالات نرضى الإيدز وقتها ودة كان له علاقه قوية بحب الناس لها .. برغم من كده خانها ولُقبت بعد كده بالأميرة الحزينة نظراً لتعاستها الواضحة جداً عليها .. - #أنجلينا_جولى هى ممثلة عالمية ومش بس كده لأ هى بتحب تعمل خير وأتبنت حوالى 6 أطفال من أنحاء العالم زى الفيتنام وإثيوبيا وأتبرعت بملايين لدعم العمل الأنسانى ومساعدة المحتاجين حتى أنها بقت سفيرة للنوايا الحسنة للمفوضية السامية للاجئين واللى تابعه للأمم المتحدة .. وكمان ساعدت براد بيت فى تأسيس مؤسسة خيرية .. ودى بتدعم منظمات عالمية زى أطباء بلا حدود واليونيسيف .. الفكرة كلها أن الشخصيتين سواء (أنجلينا/ديانا) كويسين ومُحبين للخير وناجحين جداً فى حياتهم وربنا عطاهم الجمال .. بس واحدة عاشت حياتها كما يُقال (تعيسة) والتانية عايشة حياه سعيدة مع زوجها وأطفالها والفرق بين الأتنين الأتى : لاحظت أن براد بيت لما مر على أنجلينا جولى وقت ودخلت فى أزمة نفسية لأنها عملت عملية أستئصال للثدى خوفاً من خطر سرطان الثدى وأتغيرت جسمانياً ونفسياً وأكتئبت أن هو مبعدش عنها والا طلقها وقال دى ست نكدية ومقرفة انا عاوز واحدة تدلعنى وتشخلعنى لأ بالعكس وقف جنبها لحد ما عدت الأزمة دى ورجعت زى الأول وأحسن فى كل حاجة .. أما تشارلز بقى ف من الأول من غير ما ديانا ما تتعب أو يحصلها حاجة وهو بيخونها وعايش حياتة .. عشان تعرفوا فى الآخر أن ضحكة ديانا ضحة صفرا من واحدة تعيسة بالرغم من جمالها ولكنها أتجوزت من شخص حول الجمال دة لكائن تعيس .. وأن ضحكة أنجلينا من قلبها بجد لأنها مع شخص عرف أزاى يخليها على طول بتضحك من قلبها حتى لو فى أزمة عرف ازاى يخليها تعديها .. بقول كل دة لية عشان اعرف كل بنت أن اختيارك للشخص اللى هتكملى معاه حياتك مهم لأن فى واحد هياخدك ويطلع بيكى لفوق وواحد هياخدك من فوق وينزل بيكى للقاع، عشان كده ركزى جداً فى أختيارك وحاولى تختارى صح .. اختارى رفيق درباً جيداً