الدور عليك
كلمات الاديبة والشاعرة
أميرة عزت .
حبيب القلب هجرني
وسابني للعذاب
سابني بعد مادوبني
وكنا أعز أحباب
ليه يا حبيبي تهجرني
قوللي ذنبي انا إيه
دة القلب اللي أنت
جرحته كان يوم يتمنى
رضاك ولا عمرك يوم
فرحته مع انه داب في
هواك
مشتاق ينعم بوصالك
أتاريه أمل كذاب
ليه يا حبيبي تهجرني
وتسبني للعذاب
ليه يا حبيبي القسوة
وأنا اللي قلبي في حبك
داب
الناس بيقولوا أنسى
قولت لهم دة شيء محال
أنا أنسى هواك مش ممكن
أنا أنسى غرامك دة لايمكن
لكن أنت أخترت طريق
عمري ما فكرت اختاره
إزاي راح تفوت في حريق
طب عدي وشوف اخطاره
ومسيرك راح يوم ترجع
بعد فوات الأوان
راح تلقى الحب في قلبي
كأنه في يوم ماكان
والشوق اللي كان جواه
اتحول للنسيان
احلف لك بأهلي وناسي
لبنار الشوق أكويك
دة أنا دوقت المر في كاسي
دلوقتي الدور عليك
