شعر الاديبة / اسماى البناوى 

أنا العاشق
أنا البحار أنا العطار
أنا الساحر أنا الزمار
أنا الشاعر أنا المختار
عشان أحمى رموش
عينك من الأخطار
وأرسم من خيوط الشمس
ألف نهار
وأجيبلك م الذهب خلخال
وحلم اخضر معاه قلب
إل كله عمار
وهاعمل منه ضليله
وعيشه تعدل الميله
وتبنى الدار
أنا الفارس معاه سيفه
حلفت اكمل المشوار
وهاخطف قلبك الدافى
وبين ضلعى وأكتافى
هاشيله وأعدى بيه النار
وهاعمل من صدى صوتك
غنى وموال
وأحاكى الناس بأشعار
أخيط بيها فستانك
مقاسك وانت فرحانه
وعشقانه وساكنه الدار