السويس -شعر الأديبة / سميه نور الدين محمد

انا قلبى ناعم بسكوته

يرضى بكلمه صغنطوطه
فيها حب.. فيها حنان... فيها أمان ..فيها سعاده وإطمئنان
أنا قلبى صريح.. ولاليه ف الزيف
لايحب الغدر ولا التجريح
أنا قلبى ناعم بسكوته
يرضى بكلمه صغنوطه نفسه يحب نفسه يعيش
. نفسه يوم متتعبنيش
نفسه تضمه عنيك
نفسه يعيش حواليك
يطمن إنك ليه
لاتخونه ولا تغدر بيه
م انا قلبى ناعم بسكوته يرضى بكلمه صغنطوطه
قلبى أبيض ذى الورد
يفوت ع الروح يفوت القلب
يطرح غناوى كلها حب
وضحكه صافيه تكون من القلب
تترد فيه الروح
ويعيش حواليك منين متروح انا قلبى ناعم بسكوته يرضى بكلمه صغنطوطه
نفسه السما حواليه
تلضم نجومها عقد لولى
فرقبه قمر ف ليه سهر وترسم نجوم يغنولى
على فستانى ألوان زاهيا
و التصوير قدام النيل... والنسمه تجى عليا تميل... ترسل مراسيل
وهمسات عشاق
وياها مرسال لعنيا
وسلام الشوق ب اديا
وطيور تغنى فسمايا
وقلبى يطير جوايا م انا قلبى ناعم بسكوته يرضى بكلمه صغنطوطه