بقلم /الاعلاميه امل حسنى عبد العظيم

من ضروريات الحفاظ على سلامتك النفسية والعقلية إنك تتعايش مع فكرة إن فيه ناس هتكرهك من الباب للطاق مهما كنت في نظر الأغلب إنسان كويس، وفيه ناس تانية هيفضل حبك في قلبهم مهما كان ليك بعض الزلات والأخطاء.. أنت لا هتقدر ولا مطلوب منك تجبر كل الناس إنها تحبك.. السعى إنك تنول رضا الكل مستحيل.. مش صعب حتى.. لأ.. مستحيل.. من أول الأنبياء لـ حد العلماء ومروراً بـ لعيبة الكورة، وغيرهم؛ مفيش بني آدم مهما وصلت درجة تميزه في الحتة بتاعته أو جدعنته أو بساطته أو نقاءه أو حتى ضحكته الحلوة ماطلعلوش حد بيكرهه!.. والسبب؟.. غيرة، نفسنة، شايف نفسه أقل، مستكتر عليك اللي شايفك فيه.. مليون سبب، وكلهم مايستحقوش تشغل بالك أنهي فيهم اللي ملا قلب فلان تجاهك.. الحاجة الوحيدة اللي تستحق التركيز، الامتنان، وتضييع الوقت عليها حلال؛ هما النفرين تلاتة أو حتى النفر الواحد اللي بيحبك بصدق ومن قلبه.. حبايبنا واللي إحنا حبايبهم هما الأحق بالمقاعد الأولى في عقولنا، قلوبنا، والعيون

  • Currently 0/5 Stars.
  • 1 2 3 4 5
0 تصويتات / 27 مشاهدة
نشرت فى 26 يونيو 2022 بواسطة akherkalam

موقع اخر كلام

akherkalam
موقع اخر كلام صحافة حرة والخبر فور حدوثة رئيس مجلس الادارة ورئيس التحرير :محمد الصبروت /ت 01225288308-01004211282 »

ابحث

تسجيل الدخول

عدد زيارات الموقع

158,627