تتشخيص بعض الامراض فى الطيور من شكل الفضلات الخاصه بها
-------------------------------------------------------------------------
بسم الله الرحمن الرحيم
نظرا" لان فيه خلط كتير بين الهواة الافاضل فى تشخيص بعض الامراض ووصف البراز الخاص بها فى حاله الاستشارة وجب علينا ازاله الشكوك وتوضيح الامر من وجهة نظر شخصيه قد تقبل الصواب والخطأ ..

معانا فى البوست ده 9 صور اعتقد انها تشمل اغلب حالات تشخيص الامراض والحالات الصحيه لطيورنا العزيزة
نتوكل على بركة الله
الصورة رقم (1)
-----------------
هى حاله من حالتين لان البراز يميل الى اللون الاحمر او مختلط بالدم
ا) اما ضيق مجرى البيض وده لو حاله نتايه صغيرة بالسن أول شغلها يعنى او بيضه مقلوبه نتيجه احتباس ..

ب) الاعراض الاولى لمرض الكوكسيديا وهى قرحه المعدة
وبعده يتحول البراز الى اللون الاسود القاتم نتيجه خروج الدم متجلط من المعده وبنفس الشكل ده فى الصورة ..عافانا الله واياكم
ولو كوكسيديا العلاج كوكسى كيور
وده له منشور لاحق ان شاء الله

الصورة رقم (2)
------------------
عسر هضم وعفونه فى المعده ويكون البراز مائل الى اللون البنى محاط بافراز زى الماء
وده بيحصل نتيجه ان الطائر اكل من طعام اصابه التعفن او شرب من مسقاه مش نظيفه
والعلاج فلاجيل مطهر معوى فى هذه الحاله
1سم على مسقاه 3 ايام
او تسمم معوى لو له رائحه مش مقبوله وفى الحاله دى
العلاج بواسطة مركب اسمه bmd + سلفا

الصورة رقم (3)
-----------------
براز طائر عنده برد ويلاحظ ده من البراز اللى لونه ابيض
واقصد ابيض مش شفاف
وعلاج البرد حسب الحاله اما بتتراسيكلين نص كبسوله على مسقاه من 3 -4 ايام
او استخدام اأوجمنتين بشرى او اوكسى تترايكلين بيطرى تركيز 5%

الصورة رقم (4 )
-------------------
اسهال عادى وده ملحوظ من اللون الاصفر اللى حول البراز بالمنتصف وممكن يكون نتيجه تغير درجه حرارة او اكل خضروات مش مغسوله كويس
وبرضه ممكن تقديم فلاجيل شراب او انتينال
1سم / مسقاه حتى يتوقف البراز باللون ده ويرجع طبيعى

الصوره رقم (5)
--------------------
براز عادى جدا" لنتايه بتحضر لوضع البيض
حجمه بيكون اكتر واكبر وسائل نوعا" ما
لانها بتخرج كل 3-4 ساعات تتخلص من البراز
لانها بتكون متواجده فترة اكبر جوة العش استعدادا" لوضع البيض ..
ولا داعى للقلق

الصورة رقم (6)
------------------
براز ممكن تلاحظه اذا زادت نسبه الدهون المقدمه لطيورك او اعتمدت على البلكم بس فى تغذيتها
ويلاحظ ان البراز متماسك مش لين ولونه مائل للون مصفر كده
وده نتيجه تخلص الجسم من دهون عاليه عن طريق الكبد فى البراز
وفى الحاله دى وجب تعديل النظام الغذائى للطيور فقط

الصورة رقم (7)
-------------------
اما اعتماد العصفور على الماء بشكل كبير فى التغذيه او انه بيعانى من حاله فقدان شهيه
يلاحظ ان البراز المتماسك القوام بالوسط وصغير الحجم ومحاط به سائل شفاف
وهنا اما يقدم له فاتح شهيه مناسب او يتم تعديل خطوات التربيه بتغيير المكان او نظام الغذاء او تقديم التدفئه له وهكذا

الصورة رقم (8 )
-------------------
براز من اسوأ من يمكن للطائر اثناء التربيه
هو اخضر سائل مختلط باللون الاصفر داخله وعلى الحواف للفضلات ..
وهو دليل وجود ميكروب السالمونيلا عافانا الله واياكم
ووجب فى هذة الحاله عزل الطائر المصاب عن باقى الطيور
فورا".. وتقديم العلاج المناسب
اما فلاجيل + سيدوستين
وقد ذكرنا الجرعات فى منشور سابق
او باستخدام علاج بيطرى مناسب مثل الكولى بريم

الصورة رقم (9)
------------------
هو البراز الطبيعى لكل الطيور فى كافه المراحل العمريه باستثناء النتايات المقبله على وضع البيض او الطيور التى لا تعانى مرض مما سلف ذكره

تقبلوا تحياتى .. ولا تنسونا من دعائكم
اخوكم - احمد قناوى - الاسكندريه
2015/2/17

للمزيد من الموضوعات تابعونا على الرابط الاصلى
أسرار تربيه طيور البادجى على الرابط التالى
https://www.facebook.com/ahmed.kenawy.545/media_set?set=a.871582622888319.1073742014.100001097696869&type=3